زي الأوان ده من حوالي كام سنه
دخل الشتا جاب كل حزن الدنيا ديه
و صبهولي
مهو مش هينفع إني ما اقبلش القدر
المولي يأمر وملاك ينفذ حكم ربي
وأمر ربي خلاص صدر.
لساني فاكر كل همسه.
كانت الغيوم كاسيه السما
تايه ما بين همسة فراق
أو نظره منه تدفي قلبي.
كان رعب مالي قلبي جوه بينهشه
خايف لا لحظه تمر يمشي ويوحشه
وإزاي هترجع ضحكتي وإزاي هعيش
من يوم ما غبت كأن بيتنا قش وهيش
والخوف ماليه.
رغم إن السقف جامد من حديد
طب إيه يفيد والسند فاتنا ورحل.
بسأل عليك ف كل ناحيه وف الأماكن
حتى الوشوش مش زي شكلك.
إزاي يا بوي لا هو ده اتفاقنا ولا حتى وعدك
إشمعنا يعني المره ديه نقدت عهدك
وفارقتني .
……….
اقرأ المزيد:
بحور الشعر تتلاعب من نظرة عينيها السود.. قصيدة بالعامية للشاعر: احمد جلال المراكبي
قصيدة بالعامية المصرية.. اسأل عنيها.. للشاعر: محمد الصياد
ظهرت المقالة الشتا.. قصيدة بالعامية.. للشاعر: محمد عادل أولاً على أحداث العرب.
