ومصر ماعمرها تنسي غزة
وغزة في قلب شعب مصر ورئيسها
ومهما يطول الظلم لازم
ياغزة ترجعي تاني لاصولك
وصوت الحق وقت الجد حازم
ويد الغدر ماف يوم راح تطولك
داغزة ماعمرناش نسيناها مره
وغزه في قلبنا هي ودره
نموت ولاعمرنا نشوفك بتبكي
ولازم ترجعي لينا ياغالية حرة
وطول العمرة قضيتنا واحد
وعنك عمرنا مراح نتباعد
وطول العمر المصري اصيل وصامد
يمد اليد ويقوي السواعد
عشان نبنيها تاني بنبضنا وحسك
وهانعليها تاني الرب حارسك
ومهما النور عنك ياغالية يخفت
بصوت الحق راح تنطق جوامعك
واجراس تعلي تاني مابين كنايسك
تاريخ المجد يتهجي مدارسك
ولاتبكيش بكاك ياغالية غالي
وربك عمره ف يوم ماراح يسيبك
لكنه مقدر ولكنه مصيبك
عشان بكرة يكون له طعم تاني
وعشان مترجعي تاني تعاني
لابد تعرفي عدوك حبيبك
شعر: محمد عبد القوي حسن
مصر العربية
ظهرت المقالة غزة في قلب شعب مصر ورئيسها أولاً على أحداث العرب.
